Mainit Election Statistics 2007

Election Day Estimates (May 14, 2007)
Estimated Population: 24,000
Registered Voters: 16,000Voters who voted: 13,000Cash distributed on Election Day: Php 20,000,000Average cash distribution PER voter: P1,200
Pidjanga notes: Duwa ra lamang kita nan ato statistics hu. Inin ako guesstimates ra man. Sanan sigurado ako na hamok sa ijo nakahibayo isab nan ini na mga numero, ako ra lamang tagbatok ngari kay dakan jadton sa halajo, makaparticipar isab nan ato kukabildo.

Demudo...

Badja, kun sakto inin ako figures ngari... May 14, 2007 marks day with the HIGHEST income of the town of Mainit. Laliman kaw nan baynte milyones iska adlaw ra tagjabo!!! Ajaw na pag-isyuhi an vote-buying kay an uso kuman sa intero Pilipinas an vote-selling. Dili na isab an kandidato an basolon, kay mismo an mamotaray WAY KUKASIPOG nan pangajo nan sayapi... umay ngayan nan iton?... vote-selling... pamaligja nan boto.

Kadto uli nan Mainit... ubin pangutana sa mga namagpakauli... kapin 90 porsiyento namagpakasiyapi. Matud pa "tala rakan an waya makadawat nan tili-tili". Hala testingi pagsan-tuyog-tuyog, iwit kaw...

Tan-awa, kun an boto nan mayor an ato indikasyon... tag sies mil (6,000) ra an namotar dila... sa laktod na pagkasulti, an iban maro (switik), duha ka alima an dawat, left and right, tagduha isab ka wayong, puya-puti. An iban... pati siki... nandawat nan sayapi.

An usual na ikasulti nan katawhan... "mamawi ra iton kandidato nan ila gastos... mangurakot iton". An ako ikasulti... "kamo katawhan isab an basolon... way pili... kay kamo mismo namagbaligja nan ijo boto! wayay ijo KATUNGOD mag-akusar!"

Isa sa ako napanid-an kuman didto sa ato... sin-o may nangandidato in the recent years na aja kadato (gawas kun hamok na negosyo daan)? If you really interview those who both won and lost... ALL OF THEM had been cashing out a lot... and the cash-in are just not enough.

Nan umay jaon sa puwesto na an iban pakamatjan man gani?

Sa ako pagpa-id, an pagpanlimabasog na an NGAYAN nan pamilya dili TAMAJON nan mga Mainitnon... na an dungog nan APELYIDO mamintenar...

Hala... ini hamok may hasuod sa kamatuoran... tan-awon ta kun hain ini sija singod.

Isip mga Pidjanga na jaoy pangutok... maghugpong kita na tabangan an pang-gobyerno ta sa Mainit na ila ipa-kita dili an pagbawi nan sayapi na ila nagastos kundili an pagpalambo nan ato lungsod. Amo ini an participatory governance... lakip kita sa panggobyerno... lakip kita sa mga plano... an ato pag-asenso dili ra dapat sa mga nudaug... kundili sa tanan ginsakupan na Mainit... suyod man o gawas... lakip na kita jari sa lugwa na mga Pidjanga. Zimm


Post: Zimm (www.pidjanga.blogspot.com)
May 26, 2007