amo ini an amo bayay
sa amo bayay na gamay
kami natawo
notubo, nolinghud
tagpayangga sa huni
ni nanay, iban nan hanging
hayahay
mga bukid an atup
mga kahoy an haligi
mga suba an bintana
mga yuta sayog
bato na buyawan
mga bahandi ilayum
sa kasing-kasing nagpa-uraray
sa pagsubang nan adlaw
mga langgm nanaghoy
binisbisan na buyak nanadjaw
mga tikling nanlukso
mga lumad nanlugsong
palandungi
mga tubig nagdagayday
sa gagmay na sapa
sa danaw pasingod
na tuburan nan ato kinabuhi
amo bayay
wayay makapukan
bisan bagjo, linog,
baha, dili mapildi
bayay na gamay
dili mapalid kay taghimo sa gugma
bisan gamay ra
dako an pultahan
dajon kamo tanan, way pili
amo ini, dili makawat
dili malimtan, dili talikdan
dinhi kami mobalik
sanan panalipdan
amo ini, bisan sin-o
an pangutan-on
amo ini an amo bayay
For: www. mainit.org
By: Oliver PatiñoOctober 2004
Jan 25, 2006
"Oliver, also known as Toto, is now based in Lyon, France"
Categories: minainit, literature
3 comments:
"kagana, kamingaw!!!" na sab....amo ra ini pirmi nako mahisulti, makes
me want to go back where i truly belong (cliche pero tinuod)...the
writer is so 'in touch' with stuff like this...Oliver, Toto? Playmate
sa Sanghan sa una, sa kasagingan, sa atop. One time - my first time! -
nagluto kami nan popcorn sa ila bayay, sa agtang...wanting to see how
popcorns pop waya namo takyubi an kaserola, nakay manlakso man badja
ton, inday kon inkalagputan adto an amo mga wayong, singgit anhin mama
ni oliver "takyubi nijo!" (amo badja?)...pero i recall dili na mapuyot
an iban kay an abo sa agtang...simple joys.
Im sure, in France where he is today, chilling, Toto misses home and
the simple joys.
about home,
ybong
Do you have a sound file for the above poem? It would be great to hear how the words are actually pronounced.
Thanks for the interest.
For the moment, we have none. But that will be a future project, though not soon.
Keep on visiting us and we appreciate your comments.
Zimm
Post a Comment