Kasia (Acacia trees)! Mahamok nag laong na bayay ini nan mga engkanto, kapre ug uban pa. Mamati kaw nan istorya ay...an kasia bagan point of reference pirme kon jaoy iro na itum o kaha miya na naglaga an mata tungay duyom na noltabok sa karsada. Using another lens, Ini an isa ka sort of "tatak" nan mainit. Sin-o may nag pasimuno nan ini sa unang panahon, Siguro ija naimagine kon uno kagana tanawon kon an isa ka lungsod puno nan kasya. Malandong, matignaw an hangin. It's also a social place diin an mga batan-on mag istambay, istorya istorya, sista-sista. Kun jaoy molabay na dayaga, taghuyan dajon nan mga bugoy2 na nag istambay. Kun mag rally/kampanya, adon sa kanto na may kasia.
Community board. Tanan announcement sa lungsod ad-on sab ipasta: Mga Pahibayo, Mga Guinadili....
Nan gamay pa karajaw ako, did-on sa tungod nan kasya atbang nila Escalante, may isa ka dako na box na kahoy, para ihuyog, i-surender an mga pistola na way lisensya. (that was during martial law).
May isa ka panahon na napukan nan bagjo an kasya sa likod nan Health center sa una (senior citizen's office kuman), atbang sa bayay namo. An mga barkada, tag himo nan rampa, posing-posing, picture-picture, latay-latay. Pagkagana lamang!.
May isa sab kahigayon na sa ilayom nan kasya magkabuntag..nag disco pagkatapos nan buto-buto nan bag-ong tuig.
Paglaong pa....“The net cooling effect of a young, healthy tree is equivalent to ten room-size air conditioners operating 20 hours a day.”—U.S. Department of Agriculture.
Acacia. It really adds life to our town. Hinaut unta na molungtad pagdugay jaon nangabilin, and kun puede madugangan pa.
Let's preserve the Acacias in Mainit
Jo Marie Libarnes
Jan 4, 2007
No comments:
Post a Comment