A Snapshot of a Pidjanga Life in the US
Matuod dugtungan ko an ako estorya sa imo kabahin sa kinilaw na taghimo ko an sabado. An ako asawa nagreklamo kay tagbutangan ko nan mga unom ka katumbay na puya puya ra in durog ko sa suka. Nangaon kami cge pangajo nan kleenex.
An primero ko sab paghimo nan hamburger diri butange ko dajon nan hamok na hot sauce na insane, sos an mommy intawon nija na 81 yrs old na cge an panikma. Sukad amo pa ako makakilaw diri kay isahay bagan waya may ako tiwala sa mga isda bagan dili naman gud kon presko, pero adton amo napalit sa arang ka dako na tindahan hamok sab na klase an ila isda. Tagsagulan ko sab nan cucumber, red onion, luy-a sanan lemon mmmmmm beer dajon pagkahuman imbes na nasan diet ako kay mahuot pa ako mga luma ko na pang office, waya muobra kay nagpihikaon ako nan mahamok na kan-on.
An Boston, suod ra pero magtrain kami kada kadto kay dili ganahan magdrive ako bana matraffic kuno sanan lisod i-parking. By train mga 10-15 minutes. Pero mahamok na asian stores around na suod ra sa amo, inin isa labyanan ra namo sa ako trabaho. Jaoy ila portion na nakalabel nan philippines. Permi sab ako magpalit nan salabat jaon luy-a kay kon winter amoy lami im-non. Dili man kaw gajod ma diet diri nan mga pagkaon na gikan sa ato kay halos tanan mapalit mo man diri. Mga tangyad, silhig, alugbati, sardinas, gabi, buyad, ginamos pati tv nagsubscribe kami nan abs-cbn-now (channel 2) napapanood ko an tanan palabas nan channel 2 pati mga luma bisan kapila nako panuura mas magana pa kay way commercial. Kaya mga chika sa showbiz updated sab ako. Pero an mga soap opera wayay ako time panourin tanan.
TINAPSING OPs is a chronicle of Pidjanga Lives Abroad
By: Zimmbodilion Mosende.
Aug 7, 2006
Categories: articles, mainit, surigao, caraga, mindanao, philippines
No comments:
Post a Comment